Spionkrigen med Bjørn Wormdal

Boka «Spionkrigen». Lytte-stasjonar kamuflert som naust i havgapet, spiontokt langt inn på russisk jord, strengt vakta radaranlegg, fly og skip som samlar informasjon i skjul. Alt dette har vore del av eit hemmeleg etterretningssamarbeid mellom USA og Norge som også omfattar avlytting på den russiske grensa og tapping av sivile satellittar.

Ved hjelp av nye kjelder, som samtalar med tidlegare operatørar og lekka dokumenter, syner Spionkrigen korleis norsk etterretning kan overvake både fiendtleg aktivitet og vanlege nordmenn. Verksemda drives av Norge, men er i stor grad finansiert av USA og tener amerikanske interesser, truleg meir enn norske. Omfanget og metodikken er ikkje kjent for offentlegheita. Før no.