Sett av datoen – fredag 13. juni er det kulturnatt i Svelgen!
Biblioteket har i samband med kulturnatta ordna med forfattarbesøk av vår lokale optimist – Geir Arne Solheim.
Klokka 19:00 fredag 13. juni kjem han her på biblioteket i Svelgen.
Med utgangspunkt i boka si Start dagen med eit smil, tek Geir Arne Solheim oss med på ei reise gjennom eit halv-langt og innhaldsrikt liv, proppa med opplevingar, skråblikk og undringar og små og store katastrofer – ofte pakka inn i musikk, dikt, humor og ein god dose uventa visdom.
Geir Arne jobbar til dagleg i Nordfjordkompaniet – som gjer han til ein superhelt – og debuterar no som forfattar. Han går i gang med forfattarbesøka sine utan manus og powerpoint, og kva som skjer då veit ingen – ikkje ein gong Geir Arne. Ein ting kan vi garantere: det vert ekte. Og kanskje eit besøk du hugsar?
Kom innom – og start med eit smil!
